Bu ilin yanvar-avqust ayların ərzində Bakı Fond Birjasında (BFB) bağlanılan əqdlərin ümumi məbləği 7,17 milyard manat təşkil edib. Fins.az-ın BFB-yə istinadən verdiyi məlumata görə, bu ötən ilin eyni dövrü ilə müqayisədə təxminən 57% və yaxud 2,61 milyard manat çoxdur. Hesabat dövründə əqdlərin sayı isə 3604-dən 4161-ə qədər, yəni təxminən 15% artıb.

Dövlət qiymətli kağızlar bazarı 7% artımla 4,04 milyard manat təşkil etdiyi halda, korporativ bazar 4 dəfəyə yaxın artımla 3,13 milyard manat olub.

Ayrı-ayrı fond bazarı alətləri arasında ən ciddi artım isə korporativ istiqrazların yerləşdirilməsində olub – təxminən 22 dəfə. Bu bazar üzrə əqdlərin həcmi 1 milyard 815 milyon manat təşkil edib. Qeyd edək ki, korporativ istiqrazlar şirkətlərin vəsait cəlb etməsi üçün bank kreditlərinə ən ciddi alternativ sayılırlar. Başqa sözlə, getdikcə daha çox şirkət vəsait cəlb etmək üçün bankdan kredit götürməkdənsə, istiqraz buraxmağa üstünlük verirlər.
8 ay ərzində səhmlərin ilkin bazarı 2,7 dəfə böyüyərək 790 milyon manata qalxıb, təkrar səhm bazarı isə təqribən 5 dəfə azalaraq 3,09 milyard manata düşüb.