Azərbaycanda ipoteka kreditləri verilməsinin qaydaları dəyişəcək. Fins.az-ın məlumatına görə, bu barədə Prezident İlham Əliyevin imzaladığı «Azərbaycan İpoteka Fondu» Açıq Səhmdar Cəmiyyətinin yaradılması haqqında fərmanda bildirilir. Fərmana əsasən, Nazirlər Kabinetinə tapşırılır ki, İpoteka Fondunun vəsaiti hesabına ipoteka kreditlərinin, o cümlədən güzəştli ipoteka kreditlərinin verilməsi qaydalarını bir ay müddətində Azərbaycan Respublikasının Prezidenti ilə razılaşdıraraq təsdiq etsin.