Bu ilin noyabr aylarının yekununa görə, Azərbaycan Mərkəzi Bankının (AMB) valyuta ehtiyatları 6 milyard 245,6 milyon dollar təşkil edib. Fins.az-ın AMB-yə istinadən yaydığı məlumata görə, bu, oktyabr ayının yekunu ilə müqayisədə 589 milyon dollar və yaxud 8,6% azdır. Son 1 ildə valyuta ehtiyatları 58,4%, ilin əvvəlindən isə 54,6% azalıb. Bu arada onu da qeyd edək ki, valyuta ehtiyatlarının indiki səviyyəsi 2010-cu ilin sonlarında qeydə alınıb.