Azərbaycanin bank sektorunda konsolidasiya prosesi hələ başa çatmayıb. Fins.az xəbər verir ki, bu barədə Azərbaycan Mərkəzi Bankının İdarə Heyətinin sədri Elman Rüstəmov bildirib. Onun sözlərinə görə, bir neçə gün bundan əvvəl konsolidasiya barədə verdiyi açıqlama düzgün anlaşılmayıb: “Hazırda 3 bank aktiv konsolidasiya prosesindədir, ilkin protokol imzalayıblar. Bu proses gedir. Banklar qarşılıqlı olaraq aktivlərini, portfellərini dəyərləndirməlidir. Bu da müəyyən vaxt aparır. Hələ ki, onların konsolidasiyası davam edir”.